Bjørnestad Skisenter går mot rekordomsetjing
Lagt til av: Espen Børresen | publisert: 07.02.2010
Medan nokre av skitrekka i Sirdal slit med lite snø, går det sørlegaste trekket i kommunen mot rekordomsetjing.
Trykk for større bilde |
|
|
Rune Samslått (venstre) og Livar Gauksås er svært godt nøgde med omsetjinga i Sirdals brattaste skitrekk så langt i år. Om vèrgudane framleis spelar på lag, kan det gå mot rekordsesong. © Oddvar Tjomlid |
-Til nå har me hatt 36 køyredagar, og er alt oppe i 2/3 av fjorårsomsetjinga, fortel Livar Gauksås, ein av dei tre aksjonærane i skitrekket.
Om det framleis blir brukande vintertilhøve dei neste par månadene, blir det gilde tal i 2010-rekneskapen.
-Ja, det kan gå mot den beste sesongen nokonsinne.
Skitrekket ligg svært strategisk plassert. Ingen av skiterekka i Sirdal har så stort potensiale med omsyn til befolkning i nærområdet. Om ein til dømes aksepter ei køyretid på 1-1 1/2 time, kan mange titusenar bruke anlegget, til dømes ei kveldsstund i flomlyset. Kundane kjem frå aust og vest.
-Dei kjem både frå Stavanger, Egersund, Flekkefjord og Kvinesdalsområdet, i tillegg til Tonstad, seier Gauksås, som også har ein annan godbit å by på til alpinfolket. Av den økonomiske sorten. For desse køyreprisane er det ikkje mange alpinanlegg som kan konkurrere med:
- Dagskort, frå klokka 09.00 - 21.00, kostar 180 kroner for vaksne og 150 kroner for barn.
- Kveldskøyring frå klokka 16.00 - 21.00 kostar 140 kroner for vaksne og 120 kroner for barn.
Skianlegget har skiutleige for dei som ikkje har alpinutstyr sjølv. Det gjeld både ski og snowboard.
Det er den siste tida investert i fleire snøkanonar og eit par nye pumper. Til sommaren er planen å byggje nytt renseanlegg. Og neste vinter er håpet goodwill frå oven.
Stor aktivitet på Feed På Feed skiarena, nokre få kilometer lenger nord-aust, har det også vore stor aktivitet i heile vinter. Det har vore stabile snøtilhøve sidan byrjinga av desember. I dag var eit par hundre deltakarar på plass for å delta i landsmesterkapet i skiskyting. Så ein kan trygt seie at det har vore ein smellande god sesong for det flotte skianlegget på Feed.
Kilde:www.sirdolen.no
| |
|
La galleria ha 23086 immagini!
0 aggiunte oggi - 0 aggiunte l`ultima settimana
Benvenuto su snow-groomer.net! In questo sito puoi trovare la più grande galleria di immagini, le discussioni più attuali e molte altre informazioni aggiornate. La versione in Italiano è nuova, e si espanderà presto!
|
|
Ultima immagine pubblicata
|
|