|
NM skiskyting i Stryn - Super-maskin rett i arbeid
Lagt til av: Espen Børresen | publisert: 27.03.2008
Ei av de mest avanserte trakkemaskinene i verda vart teken i bruk på Ullsheim ei veke før NM starta.
Maskina har fått tilleggsutstyr, ein rull montert heilt framfor maskina. Det skal gje enno betre forhold for dei som skøyter \med jamnare underlag, forklarer Arvid Hatledal.
Han er ansvarleg for å halde både NM-løypene og turløypene preparerte. Konkurranseløypene utgjer 4.5 km pluss fleire variantar nær stadion. Turløypene er på til saman 40 km.
Familieforetak
Saman med sønene Torbjørn som er fast trakkemaskinkøyrer, Øyvind som supplerer og yngstemann Lars Ivar som er under opplæring, sørger dei for høg standard på løypenettet. Kona Hildegunn tek bilete av dei vakre motiva med fjell rundt omkring og med usikt til indre delen av Nordfjorden. Det går ut med nyhendebrev om løypeforholda kvar fredag. Denne veka gjekk det ut onsdag og kunne melde om 1-2 meter snø alt etter kor høgt ein måler.
Den nye Printoth trakkemaskina kom frå Vingrom tysdag kveld, frakta og montert av folk
frå importøren Trygve Owren. Maskin er laga i Nord-Italia og kostar ca. 2.5 millionar eks. moms.
Verdas første
Få minuttar etter den var montert var den i aksjon og ”trakka” i høgt tempo til godt og vel kl. 22 om kvelden medan Hovudkomiteen for NM sat i lagshuset og gjennomgjekk dei siste førebuingane før NM-opning tysdag 25.mars.
Etter ide frå den erfarne trakkemaskinkøyraren Arvid Hatledal er det montert ein rull framfor maskina. - Dette vil gje betre forhold for skøyting, understrekar han.
I fylgje importøren er dette løypeutstyret, montert på ei så stor maskin,
verdens første!
Kilde: www.nmskiskytingstryn.no
| 
